Эгемен палестин мамлекетинин түзүлүшү, Буштун сөздөрүнө ылайык, Израилдин таламдарына жооп берет. Региондогу абалды жөнгө салуу үчүн тараптар баарыдан мурда террорго каршы күрөштү күчөтүп, мурдагы саясаттан баш тартууга жана Палестинаны демократиялуу, баракат өлкөгө айлантууга көмөктөшчү аракеттерди жасашы керек. Мунун алдында Вашингтондо сүйлөшүүлөрдү өткөргөн жөөт тышкы иштер министри Силван Шалом жакынкы аралыкта жөөт жана палестин өкмөт башчыларынын жолугушуусу өткөрүлүшү мүмкүн экенин билдирген эле.
