ЖЕНЕВА. Женевада маалымат технологиялары боюнча эл аралык конференция өз ишин аяктады. Улуттар Уюму уюштурган конференциянын катышуучулары өнүгүп келаткан өлкөлөрдүн калкына Интернеттин кызматынан пайдаланууга мүмкүндүк берүүгө чакырышты. Документте дүйнө калкынын 90 пайызы Интернеттен пайдалана албай жатышканы, мындай ахвал бай жана кедей өлкөлөрдүн "маалыматка ээ болуудагы" ажырымын чоңойтоору айтылат. Андай ажырымды жойуу ишин кимдер каржылаары тууралуу конференция катышуучулары орток пикирге келе алышкан жок.
