Нью-Йорк. Шаардын жетекчилиги 2001-жылы 11-сентябрда террорчулардын жардыруусунан кыйраган Дүйнөлүк соода борборунун ордуна курулуучу көк тиреген имараттын долбоорун сунуштады.Немис архитектору Даниэл Либскиндин долбоору боюнча курулуучу 70 кабаттан турган имараттын бийиктиги 541 метрге жетет. Дүйнөдөгү эң бийик бул имаратта кеңселер, ресторандар жана аянтчалар жайгашат. Анын жанында дагы 4 имарат курулат. Курулушка 12 миллиард доллар өлчөмүндө каражат жумшалмакчы.
