Делегаттар конституция долбоорун ушул аптада макулдашышы мүмкүн. Лоя Жырганын тең төрагаларынын бири Сафир Сыддыкинин билдиргенине караганда, делегаттар документти он топко бөлүнүү менен талкуулап жатат. Анда айтылган ой-пикирлер жалпылаштырылган соң конституция добушка салынат. Конституция боюнча негизги талаш -тартыштардын бири президенттин ыйгарым укуктарына байланышкан. Өлкө лидери Хамид Карзай Ооганстан президенттик башкаруудагы өлкө болушун жактоодо.