Атом энергиясы боюнча эл аралык мекеменин - МАГАТЭнин башкы директору Мохаммад ал-Барадей алдыдагы күндөрдө Ливияга барып,бул маселени талкуулай тургандыгын ырастады. Өткөн аптада Ливия массалык кыргын куралдарына байланышкан бардык программаларын токтотконун жана өзүнүн аскери ишканаларын эл аралык инспекция үчүн ачып бергенге даяр экендигин жарыялаган эле. АКШнын мамлекеттик департаментинин өкүлү Ричард Баучер Вашингтон администрациясы Ливияга каршы киргизилген санкцияларды алып салышы ыктымал деп билдирди.
