ОШ. «Өкмөттүк эмес уюмдар гранттарды алганы менен, алар жакшы иштетилбей жатат» деген пикирдин келип чыгышына массалык маалымат каражаттарынын да тиешеси бар. Бул тууралуу 24-декабрда Европадагы коопсуздук жана кызматташтык уюмунун Оштогу бюросу жана Оштогу маалымат ресурстук борбору тарабынан өткөрүлгөн «Кызматташуу жолдору» деп аталган «тегерек үстөлдө» айтылды. Жыйындын аягында бейөкмөт уюмдардын аткарып жаткан иштерин массалык маалымат каражаттарында ырааттуу жана калыс чагылдырып туруу максатында кызматташуу планы иштелип чыкты.
