БИШКЕК. Грузияда 4-январда өтө турган президенттик шайлоого көзкаранды эмес байкоочу катары «Эркиндик» партиясынын төрагасы Топчубек Тургуналиев, «Атамекен» партиясынын төрагасы Өмүрбек Текебаев жана «Атамекен» партиясынын мүчөсү Мамат Момунов катышышат. Топчубек Тургуналиевден алынган маалыматка караганда алар президенттик шайлоонун жүрүшүнө жана добуштарды саноого толук көзөмөлдүк кылышат. Көзкаранды эмес байкоочулардын чыгымы Европадагы коопсуздук жана кызматташтык уюмунун Бишкектеги өкүлчүлүгү тарабынан каржыланат.
