Америкада уйдун кутурма дарты табылганына байланыштуу тынчсызданууларга карабастан, президент Буш уйдун эти менен тамактанууну токтоткон жок. АКШнын айыл-чарба министрлиги Вашингтон штатында экинчи уйдан кутурманын белгилери табылганын жарыя кылган соң, өткөн жума күндөн тарта 20дан ашуун импортер-өлкө Америкадан уйдун этин сатып алуудан убактылуу баш тарткан. Эксперттер бул жаңылык АКШ экономикасына чоң зыян келтирерин эскертишкен.