Күчөтүлгөн операция Иса пайгамбардын туулган күнү белгиленген Кристмасс майрамында ирактык козголоңчулар америкалык аскерлерге каршы Саддам колго түшкөндөн берки эң ири чабуулун койгондон кийин башталган. Андан бери Багдаддын чет жакасында сегиз америкалык аскер набыт болду. Багдадда бүгүн шийилер өзүлөрүнүн лидери, маркум Улуу Аятолла ас-Садрдын жылдыгын белгилеп, Саддамдын эстелигин ташбараңга алышты. Ирактагы украиналык аскерлер козголоңчуларды жетектеген Ирактын мурдагы коопсуздук кызматкерин туткундап алганын маалымдашты.
