Пакистан өкмөтүнүн айтымында, президент Первез Мушаррафка мындан эки күн мурда кол салгандар жакын арада кармала баштайт. 25-декабрда президенттин машинеси борбор калаанын алдындагы Равалпинди шаарында баратканда, аны эки машине сүзүүгө аракеттенген, бирок кечигип калган. Анткен менен башка машинелер жарылып-кыйрап, бардыгы болуп 14 адам өлүп, дагы 45 киши жарат алган. Курман болгон жанкечтилердин аты-жөнү такталды.