Ирандагы жер титирөөдөн кыйраган Бам шаарында бүгүн банктар кайра ачылды. Эл аралык гуманитардык уюмдарга караштуу дарыгерлердин жана ыктыярдуулардын бригадалары табигый кырсыктын кесепеттерин жоюу, жабыркаган калкка жардам көрсөтүү боюнча иштерди улантууда. Алар жарадар болгондорду дарылап, урандыларды тазалап, калкка азык-түлүк, жылуу кийим-кечектерди бөлүштүрүшүүдө. Эмдиги дүйшөмбүдөн тартып, Бамда таар чатырларда беш мектеп иштей баштайт. Акыркы маалыматтар боюнча, шаарда 40 миңдей киши үй-жайсыз калышты. Дарыгерлер эпидемия башталып кетиши мүмкүн деп кооптонушууда.
