Голландиянын мурдагы тышкы иштер министри, 55 жаштагы Яап де Хооп Схеффер НАТОнун башкатчылык кызматында төрт жыл иштеген британиялык Жорж Робертсонду алмаштырды. Анын алдында турган негизги милдеттердин бири – Ооганстанда НАТОнун командачылыгы астында кызмат өтөп жаткан эл аралык контингенттин жоопкерчилигин Кабулдан сырткаркы аймактарга да жайылтуу болмокчу.
