Батыш маалымат каражаттарынын кабарлаганына караганда, Орусия Монголиянын 80 жылдык карызын кечти. “Standard and Poor” агенттигинин маалыматына ылайык, Монголиянын карызы 10 млрд. долларга жакын болчу. Бул акча Монголиянын 1 жылдык ички дүң продуктусунан 10 эсе көптүк кылат. Орусиянын тарыхында да бул акча - Москва кечкен карыздын эң чоңу. СССР 1921-жылдан 1991-жылга чейин Монголияга социализмди курууга жардам берип келген. Акыркы жылдары Монголия АКШ, Жапония жана Европа Биримдиги менен байланыштарын күчөттү, бирок соода-экономикалык жагынан дале болсо Кытай менен Орусияга көз каранды бойдон калып келатат.
Эл аралык кабарларды даярдаган Жыргалбек Касаболотов
Эл аралык кабарларды даярдаган Жыргалбек Касаболотов