Чеченстандын Шалы районунда дүйшөмбү күнү таң заарда согушкерлер менен салгылашуу болуп, анын натыйжасында орусиялык 6 аскер жарадар болду. Грозныйдын өзүндө 5 киши барымтага алынды. Камуфляж кийген куралдуу кишилер Маяковский шаарчасындагы үйгө кирип барып, 1 эркек киши менен 4 аялды алып кетишкен. Республиканын ички иштер министринин орун басары Ахмед Дакаевге шилтеме берип “Интерфакс” агенттиги жазгандай, мурда ушул эле үй-бүлөдөн дагы 2 киши барымтага айдалып кеткен. Алардын кайда экени белгисиз.
