"Биз күчтүү долларды колдойбуз. Ошондой валюта АКШнын кызыкчылыктарына төп келет, бирок, албетте, биз доллардын курсу ачык атаандаштык шарттарында аныкталышы керек деп эсептейбиз", - деди америкалык башкы финансист Сноу. Анын бул билдирүүсү 1 евро – 1 АКШ доллары жана 26 центке бааланган күнү жарыяланды. Эл аралык валюта кору Америка өкмөтүн улам өсүп бараткан федералдык бюджеттин тартыштыгын азайтууга үндөдү. Билдирүүдө айтылгандай, Американын федералдык бюджетинин таңсыктыгы 500 млрд доллардын тегерегине чаап барган.
АКШнын финансы министри Жон Сноу Америка экономикасы үчүн күчтүү доллар пайдалуу экенин белгиледи
