Палестинанын премьер-министри Ахмед Куреи жөөт өкмөтүн ушундай деп айыптады. Куреинин айтымында, Израил палестиналыктарды “кантондорго” бөлүп, бөлчөктөп салууну көздөп жатат. Мындай шартта палестиналыктарга жөөттөр менен биригип, бир мамлекет түзгөндөн башка арга калбайт, деп айтты Куреи. Израил өкмөтү палестиналыктар террордук аракеттерин токтотпосо чек ара тилкелерин аныктап, Иордан дарыясынын батыш жээгиндеги жерлерди аннексиялап алганга кирише тургандыгын билдирген эле.
