Ооганстандын убактылуу президенти Хамид Карзай бүгүн атайын билдирүү жасап, быйыл жай айларында өтө турган президенттик шайлоого ал өз талапкерлигин койо турганын билдирди. Мурда таратылган кабарларга караганда, июнга белгиленген шайлоо кийинкиге калтырылышы мүмкүн, анткени өлкөнүн 10 миллионго жакын шайлоочусунун азырынча 247 миңи гана каттоодон өттү. Эл аралык уюмдардын колдоосу менен өтө турган добуш берүү Ооганстандын тарыхындагы биринчи демократиялык шайлоо болмокчу.
