ЖАЛАЛАБАД. Жыйында облустагы социалдык-экономикалык маселелер талкууланды. Электр энергиясына болгон карыздын көлөмү азайганы канааттануу менен билдирилди. Тоолуу аймактардагы элден көп арыз түшкөндүктөн, тоодогу айылдарга алып баруучу жолдорду оңдоого эки ай убакыт бөлүндү. Жуккан кишини майып кылган кептөөр менен ылаңдаган 600 уй, кой аргасыздан союлганы айтылды. Ылаң көп чыккан Аксы, Ташкөмүр жана Майлысуу шаарына карантин жарыялоого көрсөтмө берилди. Мал ылаңына каршы күрөштөгү облустук ветеринардык башкармалыктын иши сындалып, анан жетекчисине сөгүш жарыяланды. Өткөн жылы 603 адам кептөөргө чалдыккан.
