Түркияда эркинен ажыратылган төрт күрд депутаттын ишин коопсуздук соту бүгүн карап, аларды боштондукка чыгаруудан баш тартты. Алардын арасында Лейла Зана айым да бар. Ал Европа Парламентинин Сахаров атындагы сыйлыгына 1995-жылы татыган. Быйыл ал сыйлыкты Бириккен Улуттар Уюму алат жана 29-январда сыйлык Брюссел шаарында уюмдун баш катчысы Кофи Аннанга тапшырылат. Ал аземге Лейла Зана дагы чакырылган.