Комитеттин жетекчиси келерки айга белгиленген парламенттик шайлоо убагында өтөөрүн, бирок андан четтетилген 3000дей талапкердин тизмеси жок кылынса, комитет отставкага кетиши мүмкүн экенин жарыялады. Ошол эле учурда Шайлоо комитетинин башчысы жана ички иштер министринин орун басары болуп иштеген Мортеза Мобалах парламенттик шайлоону калыс жана мыйзам чегинде өткөрүүгө сөз берди. Ирандык укук коргоочулар өлкө президенти Мохаммад Хатами мурдагы убадасын аткарып, консерваторлордун реформаларга каршы аракеттерине бөгөт коюшу керектигин белгилешти.
