ЖАЛАЛАБАД. Базаркоргон жана Ноокен районунан чогулган шайлоочулар менен партиянын мүчөлөрү оппозициялык депутаттардын иш бөлмөсүнөн тыңшоочу аппараттардын чыгуусуна тынчсызданышты. Алар эл өкүлдөрүнө карата мындай мамиле өлкөнүн беделине шек келтирээрин белгилешти. Жыйынга катышкандар сөз тыңшоо менен аны жаздырып алууну токтотууну жана кыргыз өкмөтүнөн бул ишке тиешелүү адамдарды таап, аларды жоопко тартууну талап кылышты.
