Президент Хамид Карзай пландалган бул конференциянын зарылдыгын белгилеп, анда өлкөнүн муктаждыктарына өзгөчө көңүл бурулат деген ишеничин билдирди. Германиянын Бонн шаарындагы эл аралык конференцияда Ооганстандагы саясий-экономикалык реформалардын жана коопсуздуктун багыттары аныкталган эле. Токиодогу донорлордун жыйынында 5 миллиард доллардан ашуун финансылык жардам көрсөтүү чечилген. Эксперттер Кабулга убада кылынган каражаттын кырк процентине жакыны гана которулганын айтышууда.
