ТАЛАС. Талас шаарындагы "Биримдик" авто ишканасы айыл аралык каттамдагы жана Талас шаарында мектеп окучуулары үчүн жол кире акыларын 30 пайызга арзандатты. Муну аталган ишкананын жетекчиси Алымбек Картаңбаев «элдин социалдык абалын жакшыртууга карата жасалган кадам» деп түшүндүрдү. Ал эми облустагы калган автоишканалар мындан бир ай мурда бир литр бензиндин баасы көтөрүлгөндө жол кирени кымбаттаткан бойдон жол кирээ наркын төмөндөтө элек. Мындай көрүнүш карапайым элдин нааразылыгын жараттууда. Маселен, Талас - Бишкек каттамы үчүн жол кирээ 140 сомдон 165 сомго көбөйгөн. Облуста орточо айлык 500, айлык акы 1000 сомдун тегерегинде гана.
