Бул тууралуу Брюсселде Кипр грек республикасынын президенти Тассос Пападопулос билдирди. Бүгүн ал Европа комиссиясынын башчысы Романо Проди менен жолугуп, аралды бириктирүү маселесин талкуулады. Сүйлөшүүлөрдү уюштуруу тууралуу ООНдун баш катчысынан өтүнгөнүн айтып, Пападопулос грек жамааты бул үчүн эч кандай шарттарды койбой тургандыгын ырастады. Кофи Аннан болсо мындан бир күн мурда аралдын түрк жана грек жамааттарын жакын арада сүйлөшүүлөрдү баштоого чакырган эле.
