БИШКЕК. 1-февралда Кыргызстан аймагында курман айт майрамдалат. Буга байланыштуу президент Аскар Акаев Кыргызстандын мусулмандарын куттуктады. Президент мусулмандарга бакубат турмуш, ынтымак-ырашкерлик каалады. Ошондой эле, мамлекет башчы учурда ажылык сапарда жүргөн Кыргызстандык мусулмандардын ажылыгы кабыл болушун тиледи. Мындан эки апта мурда Арабстанга ажылык сапарга 3700 мусулман аттанган.