Элчиликтин коопсуздук кызматы бир ракета имараттын чатырына тийип, өрт чыкканын, дагы үч ракета анын алдындагы жемиш багында жарылганын маалымдады. Багдадга алдыдагы 10 күн ичинде Бириккен улуттар уюмунун эксперттери бараары күтүлүүдө. Шийилердин лидери, аятолла Али ас-Систани Иракта чукул шайлоо өткөрүү мүмкүнчүлүктөрүн изилдей турган Улуттар уюмунун эксперттерин өз тыянактарын калыс жана чынчыл маалыматтарга негизденип чыгарууга чакырды.
Голландиянын Ирактагы элчилигине ракеталык чабуул коюлуп, имаратка зыян келтирилди, адамдар жабыр тарткан жок
