БАТКЕН. Облустук акимчиликтен алынган маалыматка караганда, быйылкы жылдан тарта Европа Кеңеши облуска грант түрүндөгү тогуз миллион евронун алгачкы бөлүгүн бере баштайт. Бул иш Европа Кеңешинин Кыргызстандагы жакырчылыкты кыскартуу багытындагы программасына ылайык жүргүзүлүүдө. Өткөн жылы Баткен облусу аталган уюмдун «Европейт» деп аталган үлгү программасына кирген. Бул акча негизинен айыл чарбасын жана кайра иштетүү тармагын өнүктүрүүгө жумшалат. Аталган багыттарды өнүктүрүү менен жакырчылыкты кыскартуу максатындагы гранттык каражат үч бөлүнүп, тактап айтканда, үч жылда үч миллион евродон берилет. Аны берүүнүн алгачкы этабы ушул жылдын май айынан тарта башталат.
