БИШКЕК. Иран Ислам Республикасынын өкмөтү Кыргызстанга 1 млн. АКШ доллары өлчөмүндө грант бөлдү. Бул каражат таланттуу балдардын Чолпоната шаарында курула турган мектеп-интернатына жумшалат. Бул тууралуу Экология жана өзгөчө кырдаалдар министрлигинин маалымат кызматынан билдиришти. Мектеп-интернатты куруу үчүн тендер жарыяланып, тендерлик комиссиянын чечими менен курулушту ирандын «Машхад Сазе» фирмасы жүргүзөт. Курулуш иштери үстүбүздөгү жылдын 15-мартында башталат деп болжолдонууда.