Кипрди бириктирүү боюнча сүйлөшүүлөрдөн жыйынтык чыга элек

Нью-Йоркто, Улуттар Уюмунда өтүп жаткан сүйлөшүүлөр бүгүн улантылат. БУУнун башкатчысы Кофи Аннан Кипрдин президенти Тассос Пападопулос жана кипрлик түрктөрдүн лидери Рауф Денкташ менен жолугууда. Дипломаттардын пикиринде, бул - Кипрдин грек бөлүгү быйыл май айында Европа Биримдигине кошулаар алдында тараптардын 30 жылга созулган талашын чечүүдөгү соңку мүмкүнчүлүк.