Гаитинин президенти Аристида кош кысым астында

Кечээ күнү гаитилик козголоңчулар өлкөнүн борбордук бөлүгүндөгү Инш шаарындагы полицияканага чабуул жасашты. Гаити радиосунун маалымдашынча, адаватчылардын чабуулунан үч адам, анын ичинде жергиликтүү полициянын акими курман болду.
Муну менен февралдын алгачкы күндөрү башталган саясый калабада өлгөн адамдардын саны 50дөн ашып кетти.
Оппозиция менен адаватчы топтор президент Жан-Бертран Аристиданын бийликтен кетүүсүн талап кылышууда.