Чет өлкөлүк атуулдар Гаитиден кача баштады. Ушул тапта Порт-о-Пренс шаарынын аба майданына эл батпаган учур. Эки аптадан бери өлкөдө элдик толкундоолор уланууда жана оппозициялык күчтөр Гаитинин тогуз провинциясынын төртөөнү басып алып, азыр борбор калаага жакындап калды. Президент Жан-Бертран Аристид бирок кызматынан чегинүүдөн баш тартууда. Кагылышуулардан элүүгө жакын адам курман болду.
