Катар мамлекетинде жайгашкан "ал-Жазира" сыналгысы бүгүн "ал-Каида" террордук уюмунда Усама бин Ладенден кийинки экинчи адам болуп эсептелинген Айман аз-Завахринин үнүн угузду. Анын айтымында, "ал-Каида" жоокерлеринин үчтөн экиси жок кылынды деп жарыялаган АКШ президенти Жорж Буш калп айтат. Андан тышкары Завахри - АКШга каршы жакын арада жаңы чабуулдар жасала турганы жөнүндө да айтты. Эксперттер азыр - жазылып алынган үн чындап эле Завахриники экенин текшерүүдө.
