Россиянын президенти Владимир Путин өкмөттүн отставкасын пландуу иш чара деп атады

Бүгүн кабинеттин жыйынына катышып, Путин өлкөдө административдик реформа, өкмөттүн өзүн кайра куруу иши жүрүп жатканын, кабинет муну бир жарым жылдан бери жүзөгө ашырууга аракет кылып келгенин, бирок процесс солгун тартып кеткенин белгиледи. Путин ошондой эле өзүнүн мындан аркы саясаты кандай багытта жүрө тургандыгын аныктоо максатында да ушундай кадамга баргандыгын кошумчалады. Өкмөт башчысынын милдетин аткаруу кечээ Виктор Христенкого жүктөлгөн эле. Ал бүгүнтөн тартып милдетин аткарууга киришти.