Кошмо Штаттардын мамлекеттик департаментинин докладында Өзбекстанда былтыр адам укуктарынын абалы өтө начар акыбалда болгону белгиленген. Анда айтылгандай, өзбек өкмөтү өз атуулдарынын саясий жана атуулдук укуктарын катуу чектеп, тартип коргоо органдары абакка түшкөн адамдарды уруп-сабап кыйноону жолго коюп алганына көңүл бурулган. Ошондой эле АКШ өкмөтү Казакстан, Түркмөнстан, Тажикстан, Орусия жана башка көпчүлүк постсоветтик өлкөлөрдө адам укуктары канааттандырарлык эмес абалда деп эсептейт.
