БИШКЕК. Баңгизаттарды көзөмөлдөө боюнча мамлекеттик агенттик кайрадан түзүлүп жатат жана анын кадрлары 30% жыйналды. Негизинен жетекчи кадрлар дайындалып бүттү. Ал эми май айына карай кызматкерлер 100% толукталат. Бул тууралуу агенттиктен бүгүн кабарлашты. Жалпысынан агенттикте 240 кызматкер иштемекчи. Алардын жарымы Ош облусунда жайгашат. Агенттиктин ишке алынган 8 кызматкери жакынкы күндөрдө АКШга жөнөшөт. Алар 45 күн жүрүп кызматтык тажрыйба алып келмекчи.
