Документте Тегеран атом энергиясы боюнча эл аралык агенттик – МАГАТЭ менен толук кызматташпай жатканы үчүн сынга алынды. Кошмо Штаттары Канада менен Австралиянын активдүү жардамына таянып,Британияны, Францияны жана Германияны резолюцияны колдогонго көндүрдү. Буга байланыштуу Ирандын МАГАТЭдеги өкүлү Пируз Хоссейни европалык өлкөлөр колдон келгендин баарын жасашканын, ошентсе да Тегеран алардан көптү күткөндүгүн белгиледи. Аларга америкалыктар катуу кысым көрсөтүштү, Кошмо Штаттары Ирандын МАГАТЭ менен кызматташтыгын үзгүлтүккө учуратканы бардык жактан тоскоолдук келтирип жатат, деп кошумчалады Тегерандын өкүлү.
