БИШКЕК. АКШда жүргөн кыргыз саясатчылары менен жолугушуу учурунда АКШнын мамлекеттик катчысынын жардамчысынын орун басары Линн Паско «Кыргызстанда бийлик алмашыш керек» деп билдиргенин «Арнамыс» партиясынын тараткан маалыматына таянып дүйшөмбүдө «Азаттык» кабарлаган эле. Бүгүн тышкы иштер министрлиги мындай маалымат негизсиз деген билдирүү таратты. Кыргыз саясатчыларынын АКШдагы сапары тууралуу АКШнын Бишкектеги элчилиги 12-мартта маалымат жарыя кылаарын бүгүн тышкы иштер министрлигинин маалымат кызматы билдирди.
