БИШКЕК. Эртең Бишкекте Кыргызстан менен Тажикстандын мамлкеттик чегарасын делимитациялоо боюнча кыргыз-тажик өкмөттөр аралык комиссиясынын бешинчи отуруму башталат. Кыргызстандык делегацияны өкмөттүн аймактык маселелер боюнча бөлүмүнүн башчысы Саламат Аламанов жетектейт. Аламановдун маалыматы боюнча, отурумда кыргыз-тажик чегарасын кайсыл документтин негизинде аныктоо маселеси талкууланат. Кыргыз-тажик чегарасынын тогошкон тилкесинин узундугу миң чакырымга жакын. Өкмөттөр аралык комиссиянын отуруму 17-мартта соңуна чыгат.
