Өлкөнүн чукул кырдаалдар боюнча комитетинин башчысы Заманбек Нуркадилов аптанын башында президент Нурсултан Назарбаевге кат жолдоп,аны кескин сынга алган жана бийликтен кеткенге чакырган. Назарбаев бийликтен кетпесе бир кездеги румын диктатору Николае Чаушеску туш болгон ыкыбалга кабылышы мүмкүн, деп эскерткен Нуркадилов. Бүгүн казак премьери Даниал Ахметов Алматага учуп келип, Нуркадиловду өз ишин билбеген жетекчи деп атады жана анын кызматтан алынганын жарыялады.
