БИШКЕК. 10-марттан бери убактылуу жабылган Бишкек-Ош автожолу 13-мартта ачылды. Мындай маалымат бүгүн Экология жана өзгөчө кырдаалдар министрлигинен алынды. Ал маалыматка караганда, автожолдун кар көчкүсү болушу мүмкүн деп табылган 133-чакырымынан 147-чакырымына чейинки жол жээгиндеги 170 миң кубометр көлөмүндөгү кар замбирек менен атылып түшүрүлүп, коопсуздук чаралары көрүлгөндөн кийин ачылды.
