БИШКЕК. 6-апрелде Кыргызстанга Европадагы коопсуздук жана кызматташтык уюмунун азыркы төрагасы - Болгариянын тышкы иштер министри Соломон Пасси келет. Анын Бишкекте өлкө жетекчилиги менен жолугушуп, ЕККУ менен Кыргызстандын ортосунда кызматташуу маселелерин талкуулашы күтүлүүдө. Бул тууралуу тышкы иштер министрлигинин ЕККУ боюнча адиси Фатима Сушанло билдирди. Ал эми 29-30-мартта Бишкекте ЕККУнун 12- экономикалык форумуна даярдык көрүү боюнча үчүнчү семинар өткөрүлүп, ага ЕККУга мүчө мамлекеттерден делегациялар катышат. Экономикалык форум болсо ушул жылы Чехияда өтмөкчү.
