БИШКЕК. АКШнын ЮСАИД агенттиги менен Кыргызстандын Жогорку соту өз ара түшүнүшүү тууралуу меморандумга кол койду. Ага ылайык ЮСАИД өлкөнүн сот системасынын маалымат базасын өнүктүрүүгө, атайын интернет-баракча ачып, анда соттук чечимдердин жарыяланышына, судьяларды окутутууга жана сот системасына техникалык жардам көрсөтөт. Бул тууралуу Жогорку соттун басма сөз катчысы Нурия Иманкулова бүгүн билдирди. Анын айтымында, меморандумга Жогорку соттун төрагасы Курманбек Осмонов жана ЮСАИДдин Кыргызстандагы өкүлү Клиффорд Браун кол койду.
