Мадриддеги жардырууга байланыштуу дагы төрт киши кармалды

Испан полициясы Мадриддин темир жол бекетинде 11-мартта болгон бомба чабуулдарына катыштыгы бар деп шектелген төрт кишини камакка алды. Террордук чабуулдан 201 кишинин өмүрү кыйылган.
Немистердин ДПА агенттиги - кармалган төртөө тең теги африкалыктар деп маалымдаса, Ройтер алардын экөө Марокконун жарандары экенин билдирет.
Алаамат окуяга байланыштуу мурда кармалган беш адамдын соту бүгүн башталат. Алардын үчөө марокколуктар.