БИШКЕК. ОШ-Сарыташ-Эркечтам автожолу курулса Кыргызстандын экономикасынын өсүшүнө жана Кытай Эл республикасы менен соода байланыштарын өркүндөтүүгө жол ачылат. Бул тууралуу бүгүн өкмөттүн эл аралык кызматташтык башкармалыгынан билдиришти. Кыргыз өкмөтү менен Кытай өкмөтүнүн делегациясы жана Кытайдын «Чайн Роад» компаниясынын өкүлдөрү менен кечээ болгон жолугушууда Ош-Сарыташ-Эркечтам автожолун салуу боюнча долбоор талкууга алынды. Кытайлык адистердин эсебинде Гүлчө-Эркечтам жолун жаңыртып оңдоп салуу үчүн 68 млн. АКШ долларлык каражат жумшалышы мүмкүн.
