БИШКЕК. 21-мартта Кыргызстанда Нооруз майрамы белгиленди. Бул күнү өлкөнүн Аккула ат майданыда улуттук оюндар өткөрүлүп, ага премьер-министр Николай Танаев, мамлекеттик катчы Осмонакун Ибраимов катышты. Ал эми борбордогу «Алатоо» аянтында эрте менен майрамдык салтанат уюштурулуп, улуттук оюн-зооктор өткөрүлдү, эл шайырлары чогулгандарга өз өнөрлөрүн тартуулады. Кечке жуук болсо президенттин катышуусу менен майрамдык салтанат уланып, театрлаштырылган оюн-зоок болду.
