ТАЛАС. Облустук администрациянын экономика, ишкердүүлүк жана инвестицияларды тартуу маселелери боюнча башкармалыгынан 30-март күнү алынган маалыматка караганда, "Жерүй" алтын кенин иштетүүчү "Талас голд майнинг компани" ишканасы Талас облусунун инфраструктурасын жакшыртууга алгачкы салымын кошту. Облустук архитектура башкармалыгы менен бирдикте Талас шаарындагы паркты реконструкциялоо боюнча 5 млн. сомдук долбоор экспертизадан өтүп, бул күндөрү курулуш иштери жүрүп жатат. Бул ишти убагында чуулгандуу "Робин" фирмасы бүткөрүп берүү убадасын берген эле.
