Бүгүнкү жолугушууда да Ирандын өзөктүк курал программаларына байланышкан маселелер талкууланмакчы. Мохаммед ал-Барадейи Тегеранга келээр алдында Иран өзөктүк программасы боюнча бардык маалыматтарды бербей жатканын, эларалык коомчулуктун чыдамы түгөнүү алдында экенин жана бул өлкөдөн көбүрөөк кызматташтыкты күтүп жатканын белгиледи. АКШ Иранды өзөктүк курал программасын жашыруун жагдайда өнүктүрүп жатканы үчүн айыптап келүүдө, ал эми Тегерандын ырастоосунда алардын аракеттери тынчтык максатын гана көздөйт.
