БИШКЕК. Кыргызстандын Жапониядагы элчиси болуп буга чейин КР президентинин алдындагы башкаруу академиясынын ректору болуп эмгектенген Аскар Кутанов дайындалат. Президенттин маалымат кызматынын кабарлоосуна караганда, мамлекет башчы тарабынан сунушталган Аскар Кутановдун талапкердиги Эл өкүлдөр жыйынын эларалык маселелер жана парламент аралык байланыштар комитетинде каралып, жактырылды. Тышкы иштер министрлигинин маалыматына караганда, Кыргызстандын Токиодогу элчилиги Аскар Акаевдин 20-апрелде Жапонияга боло турган иш сапары учурунда ачылат.
