БИШКЕК. Швейцария өкмөтү Кыргызстандын токой чарба тармагында жүргүзүлгөн реформаны колдоого 3 миллион 800 миң доллар өлчөмүндөгү грант берет. Мындай келишимге бүгүн Швейцариянын Кыргызстан менен кызматташуу боюнча өкүлчүлүгүнүн жетекчиси Урс Херрен жана Кыргызстандын мамлекеттик токой кызматынын башчысы Туратбек Мүсүралиев кол коюшту. Урс Херрендин айтымында, мындай каражат токой чарбаны өнүктүрүү боюнча кыргыз-швейцария программасынын төртүнчү этабын колдоого жумшалат.
