Нааразылык иш-чаралары президент Роберт Кочарян бийликтен кетмейинче улантыла берет, деп ырасташты оппозициянын өкүлдөрү. Кечээ “Адилеттик” блогу менен “Улуттук биримдик” партиясынын он миңдей тарапкери Ереванда митинг өткөрүп, андан соң шаарда аркы-терки жүрүш жасаган эле. Оппозиция бийликтерге ишеним көрсөтүү маселесин элдик референдумга чыгарууну сунуш кылууда. Башкаруучу коалицияга кирген үч партия бул сунушту четке кагып, конституцияга кайчы келген демилге деп атады.